| Stifta | Nedlagd | Valdeltaking | Stortingsrepresentasjon |
|---|---|---|---|
| 1906 | 1965 | 1900 - 1965 | Minst ein periode |
Arbeiderdemokratene blei formelt stifta i 1906, men partiet sine røter strekkjer seg tilbake til 1900 då Castberg og De forenede norske Arbeidersamfund (stifta i 1882) såg det som svært vanskeleg å samarbeida med moderpartiet Venstre. Ved valet i 1900 stilte derfor Castberg til val på ei eiga arbeidarliste, og vann eit mandat på Stortinget.
I 1921 endra partiet namn til Radikale Folkeparti, men representantane frå partiet blei framleis referert til som arbeidardemokratar. Arbeiderdemokratene oppnådde representasjon på Stortinget i alle val frå 1903 til 1933. Etter 1927 var partiet rett nok berre aktivt i Oppland, der det stilte lister saman med Venstre. Arbeiderdemokratene rauk ut av Stortinget ved valet i 1936, og med ein svak partiorganisasjon og manglande popularitet forsvann partiet i praksis ut av norsk politikk før andre verdskrig. Formelt sett var likevel Venstre sine stortingslister i Oppland formelt sett eit samarbeid mellom Venstre og Radikale Folkeparti heilt fram til 1957. I 1965 vart Radikalt Folkeparti nedlagt.
Politisk følgde Arbeiderdemokratene ein ikkje-sosialistisk kurs, med saker mynta på arbeidarar og småbrukarar som veljarar. Partiet hadde sine ideologiske røter i det “borgarlege” arbeidarforbundet Det norske arbeiderforbund, grunnlagt av Jon Hol.
| År | Hending |
|---|---|
| 1906 | Arbeiderdemokratene stifta. Partiet har klare band til den radikale delen av Venstre, men blir her sett på som nyoppretta. |
| 1921 | Arbeiderdemokratene endra namn til Radikale Folkeparti. |
| 1965 | Radikale Folkeparti formelt lagt ned i 1965. |